Muri Leta zunze Ubumwe za Amerika, Polisi yagaragaye mu mashusho ikubita mu kico ukekwaho Iterabwoba.
Ibi byabereye muri Leta ya Arkansas mu mujyi muto wa Mulberry kuri uyu wa 21 Kanama 2022, ubwo aba Polisi batatu bagaragaraga mu mashusho bakubita mu kico Umugabo witwa Randall Worcester w’imyaka 27 bamukekaho Iterabwoba no gusagarira abashinzwe umutekano.
Amashusho yo kumufata agaragaza umwe mu bapolisi amukubita ibipfunsi, undi amukubita amavi menshi mu mugongo, mu gihe uwa gatatu we yari amushikamije hasi, nyuma aza kujyanwa kwa muganga.
- USA : Abapolisi 7 bahagaritswe mu kazi bazira urupfu rw’umwirabura wapfuye mu buryo busa n’ubwa George Floyd
- USA : Uwishe George Floyd yahamwe n’icyaha
- USA : Uregwa kwica George Floyd yarekuwe ku ngwate ya miliyoni $1
- Israel : Umusaza w’imyaka 65 yashinzwe ivi ku ijosi bigarura isura y’urupfu rwa George Floyd
Umwe mu bari aho biba, agafata amashusho yagaragayemo aba Polisi batatu bakubita uyu mugabo, yumvikanye ababwira ngo “mwimukubita” Polisi imutegeka gusubira mu modoka ye.
- Advertisement -
Asa Hutchinson Guverineri waLeta ya Arkansas, yavuze ko ubu hari gukorwa iperereza kuri aba bapolisi hagendewe ku bimenyetso by’amashusho byatanzwe mu gihe aba bapolisi babaye bahagaritswe mu kazi.
Ni kenshi muri Amerika hagiye havugwa urugomo rukorerwa abakekwaho icyaha bikozwe na Polisi ndetse bamwe bakahasiga ubuzima. Ibyamenyekanye cyane bikanavugwa ni urupfu rwa George Floyd bikozwe na Polisi ya Minneapolis.
