Kuri uyu wa Kane tariki 02 Nzeri 2021, Minisiteri y’Uburezi (MINEDUC) yatangaje ko umwaka w’amashuri wa 2021/2022 uzatangira ku wa 11 Ukwakira 2021 ku mashuri Abanza, Ayisumbuye n’ay’Imyuga n’Ubumenyingiro, ukazasozwa ku wa 15 Nyakanga 2022.
Iyi ngengabihe, igaragaza ko mu mwaka w’amashuri wa 2021/2022, igihembwe cya mbere kizatangira kuwa 11 Ukwakira 2021, kigasozwa kuwa 24 Ukuboza 2021.
Igihembwe cya kabiri, kizatangira tariki ya 10 Mutarama 2022, gisozwe tariki ya 31 Werurwe 2022, mu gihe igihembwe cya Gatatu kizatangira kuwa 18 Mata 2022, kikazasozwa kuwa 15 Nyakanga 2022.
Biteganyijwe ko ibizamini bya Leta bisoza amashuri abanza, bizakorwa tariki 18 Nyakanga 2022, kugeza tariki ya 20 Nyakanga 2022, mu gihe ibisoza ayisumbuye, ay’imyuga n’ubumenyingiro, bizakorwa kuva tariki 26 Nyakanga 2022, bigasozwa tariki 05 Kanama 2022.
