Urwego rwashinzwe kurangiza imanza zasigajwe n’inkiko mpuzamahanga (International Residual Mechanism for Criminal Tribunals, IRMCT) rwategetse Leta ya Niger kuba ihagaritse icyemezo cyo kwirukana Abanyarwanda 8 baherutse kwimurirwa muri iki Gihugu bakuwe Tanzania.
Aba banyarwanda umunani, bamwe muri bo barangije ibihano byabo, abandi nabo bagizwe abere mu byo bari bakurikiranyweho ku byaha bya Jenoside yakorewe Abatutsi mu Rwanda mu 1994.
Mu kwezi gushize, aba banyarwanda boherejwe kuba muri Niger hisunzwe amasezerano hagati y’iki gihugu n’uru rwego rwa ONU, ariko nyuma iki gihugu cyaje kwisubiraho gihita kibaha iminsi irindwi yo kuba bavuye muri iki Gihugu.
Mu kiganiro yagiranye n’abanyamakuru kuri uyu wa Gatanu tariki ya 31 Ukuboza 2021, uwunganira aba banyarwanda mu rwego rw’amategeko, Hamadou Kadidiatou, yavuze ko iyi ngingo yafashwe n’ubuyobozi bwa Minisiteri y’umutekano mu gihugu iteye isoni.
- Advertisement -
Mu rwandiko rwaraye rwohererejwe iki gihugu na Joseph E. Chiondo Masanche wari uyoboye urukiko rw’uru rwego i Arusha mu kwezi k’Ukuboza umwaka ushize, Niger yahawe igihe cy’iminsi 30 ngo ibe yatanze ubusobanuro bw’icyatumye ifata icyo cyemezo.
Umucamanza Masanche nk’uko BBC ibitangaza, yibutsa Niger ko ingingo yo kubohereza muri iki gihugu yafashwe habaye ubwumvikane n’Urukiko, kandi ko Niger yari yemeye kubaha uburenganzira bwo kuba muri iki gihugu burundu.
Muri uru rwandiko, umucamanza Masanche avuga ko batandatu mu barebwa n’iyo ngingo bamusanze, bamwe basaba ko bahabwa umwanya kugira ngo bashake ahandi bashobora gutwarwa, abandi nabo basaba ko iyo ngingo ikurwaho.
Uru rwego rutegeka Niger ko nta n’umwe yakwirukana muri abo umunani bose, kugeza habaye ubwumvikane hagati ya Leta y’icyo gihugu n’uru ru
