Umutunganyamuziki wamamaye mu Karere ka Afurika y’Iburasirazuba, uzwi nka Washington, yagaragaje urutonde rw’indirimbo 20 yatunganyije, ariko bene zo bakaba baranze kumwishyura.
Nk’uko abyivugira, ngo muri abo banze kumwishyura, harimo na Perezida Yoweri Kaguta Museveni, akaba aba bose yabahaye amasaha 24 ngo babe bamwishyuye, bitaba ibyo akabafatira icyemezo gikomeye, cyo gusibisha ibihangano byabo ku mbuga zose biriho.
Mu bandi yagaragaje ko yatunganyirije imiziki ntibamwishyure, barimo abahanzi bakomeye muri Uganda nka Bobi Wine, Cindy, Radio&Weasel, Bebe Cool, Jackie Chandiru na Juliana Kanyomozi.
Aba bahanzi bafite amazina aremereye mu karere, bamenyekaniye ku bihangano byatunganyijwe n’uyu mutunganyamiziki David Washington Ebangit nk’uko abivuga.
- Advertisement -
Mu gitondo cya kare cyo kuri uyu wa Mbere, Washington yasohoye inyandiko isa nk’iburira aba yakoreye umuziki ntibamwishyure, abasaba ko bamwishyura mu maguru mashya.
- Bull Dogg arashinja The Ben kumunaniza
- Danny Vumbi yahishuye impamvu Album “Inkuru nziza” ari kuyigurisha 100.000Frw
- Diamond Platnumz yahishuye ko ari Umugande
Mu ndirimbo 20 yagaragaje yatunganyije ntaryeho n’urupfusha, harimo iya Museveni izwi nka ‘Kwezi Kwezi’, aho yavuze ko yayitunganyije yiyushye akuya.
Yagize ati: “Kuva mu myaka yatambutse, natunganyije imiziki yahinduriye ubuzima benshi. Nageze ku ntego nashakaga, bityo rero nkeneye guhabwa ubwishyu bw’ibikorwa byanjye byose.
Abantu benshi bari gusarurira mu mbaraga zanjye natakaje, ariko ndabizi neza ko Imana izahana buri wese utarazirikanye ngo anyishyure.”
Washington asoza agira ati: “Mbahaye amasaha 24 bakaba batangiye kunyishyura, bitaba ibyo ibihangano byabo bikava ku mbuga zose z’ikoranabuhanga.”
Indirimbo 20 yagaragaje ko agomba kwishyurwa
Don’t Cry – (Wizkid ft Goodlife)
Talk and Talk (Goodlife)
Ngenda Maaso (Goodlife)
Juicy Juicy (Goodlife)
Breath Away (Goodlife)
Fire Anthem (East African Bashment Crew)
Wendi (Bobi Wine)
Adam ne Eva (Bobi Wine)
One and Only (Cindy)
Gold Digger (Jackie Chandiru)
Vitamin (Lilian Mbabazi)
Love Letter (Lilian Mbabazi)
Kwezi Kwezi (M7)
Ayokyayokya (Cindy)
Ediba (Juliana Kanyomozi)
Akama (Sama Sojah)
Number Emu (Goodlife)
Lonely (Bebe Cool)
Kintu Riddim
Fire Burn Dem (Bebe Cool and Dizzy Nuts)
