Semivumbi Daniel uzwi ku izina ry’ubuhanzi nka Danny Vumbi agiye gushyira hanze Alubumu(Album) ye ya gatatu yise ‘Inkuru Nziza’, ikazaba igizwe n’indirimbo 12 harimo n’izagiye zikundwa cyane nk’iyitwa Abana babi, Umugozi yakoranye na Bruce Melody, Yibare n’izindi.
Uyu muhanzi avuga ko hari n’izindi ndirimbo atarashyira hanze nka Sezera, Babahe n’izindi, gusa ngo zose zizasohokera rimwe ku munsi wo gushyira ahagaragara iyi alubumu ye, tariki ya 17 Nyakanga 2020.
Iyi alubumu ije ikurikira izindi ebyiri Danny Vumbi yashize hanze arizo “Umudendezo” yashyize ahagaragara muri 2012 n’iyitwa “Kuri twese” yamuritse muri 2015.
Abinyujije ku rukuta rwe rwa Twitter, Uhujimfura Claude umukozi wa Kikac Music yateye inkunga iyi alubumu, yaciye amarenga anamara amatsiko abifuza kuyigura mbere y’uko igera hanze.
- Advertisement -
Ati, “Twishimiye kubasangiza album ya 3 ya Danny Vumbi yitwa Inkuru Nziza, abashaka kuyigura mbere ya launch yayo (Pre-sale) igura ibihumbi ijana(100.000Rwf), ikaba igurishwa kuri Email, Flash na CDs.ˮ
Iyi Album yatangiye kugurishwa ku bayifuza
Biteganyijwe ko iki gitaramo cyo kumurika iyi Album kizaca kuri MK1TV n’izindi shene(Channel) nka Genesis TV na RTV, kikazitabirwa n’abahanzi batanduknye nka Bruce Melody, Marina, Fireman, Mico the Best, Uncle Austin ndetse na Band iri guca ibintu muri iyi minsi yitwa Neptunez Band.
Usibye kuba Danny Vumbi azwi nk’umuhanzi, ni n’umwanditsi w’indirimbo ukomeye mu Rwanda wagiye wandika indirimbo zagiye zikundwa cyane nka Kungola ya Sanny na Bruce Melody, Ku Ndunduro ya Social Mula, Urugero ya Butera Knowless n’izindi.
Ngendahimana J.Pierre(Zinc G) / Umurengezi.Com
