Umufaransa Pierre Latour ukinira TotalEnergies yegukanye Agace ka Gatanu ka Tour du Rwanda 2024 nyuma yo gukoresha iminota 23 n’amasegonda 31
Yakurikiwe n’Umubiligi William Junior Lecerf, wakoresheje iminota 24 n’amasegonda atanu, ahita yambara umwambaro w’umuhondo amaze gukoresha amasaha icyenda, iminota 47 n’amasegonda 39, arusha abiri Peter Joseph Blackmore wa Israel Premier Tech.
Manizabayo Eric (Team Rwanda) na Nsengiyumva Shemu (May Stars) bageze mu Kinigi bafite ibihe by’umwanya wa 30 n’uwa 31 aho bakoresheje iminota 26 n’amasegonda 37.
- Advertisement -
Mugisha Moise ntiyahiriwe n’aka gace kuko yabaye uwa 49, byatumye ku rutonde rusange akomeza kuba Umunyarwanda wa kabiri mwiza aho ari uwa 21 arushwa iminota itatu n’amasegonda 25, inyuma ya Masengesho Vainqueur wa 20, aho arushwa iminota itatu n’amasegonda 13.
Nyuma y’uduce dutanu tumaze gukinwa, Umubiligi William Junior Lecer ayoboye urutonde rusange amaze gukoresha amasaha icyenda, iminota 47 n’amasegonda 39, arusha amasegonda ibiri Peter Joseph Backmore.
Umunyarwanda iri hafi ni Masengesho wa Team Rwanda uri ku mwanya wa 20 aho arushwa iminota itatu n’amasegonda 13 mu gihe Chris Froome arushwa iminota irindwi n’amasegonda 31 ku mwanya wa 36.
Kuri uyu abakinnyi 78 ni bo basoje isiganwa ry’umunsi muri 79 basiganwe
Tour du Rwanda 2024 izakomeza ku wa Gatanu, tariki ya 23 Gashyantare, hakinwa agace ka gatandatu kazahagurukira i Musanze berekeza kuri Mount Kigali ku ntera y’ibilometero 93.
