Carlos Alcaraz ukomeje kwandika amateka yageze ku mukino wa nyuma w’Imikino Olempike muri Tennis nyuma yo gutsinda Auger-Aliassime amanota 6-1 na 6-1.
Uyu Munya-Espagne ntiyagowe n’uyu mukino kuko yarushaga cyane Aliassime usanzwe uri nimero ya 13 ku Isi, mu gihe we ari nimero ya kabiri.
Uyu mukinnyi w’imyaka 21 yaherukaga kwegukanira Roland Garros muri Kamena ku kibuga yakiniyeho mbere yo kwegukana na Wimbledon nyuma y’aho gato, bityo akaba ari gushaka igikombe cya gatatu muri uyu mwaka.
- Advertisement -
Ku mukino wa nyuma, Alcaraz azakina n’uza gukomeza hagati ya Novak Djokovic na Lorenzo Musetti.
Djokovic w’imyaka 37 yegukanye buri kimwe cyose yakiniye muri Tennis gusa ntabwo arabasha kwegukana umudali wa zahabu mu Mikino Olempike.
Byitezwe ko aza gusanga Alcaraz ku mukino wa nyuma baherukaga guhurira ku wa Roland Garros mu kwezi gushize.
