Urwego rw’Igihugu rw’Ubugenzacyaha(RIB) ruratangaza ko rwafashe Nsengiyumva Jean Claude washakishwaga kubera icyaha akekwaho cyo kwica umugore we.
RIB ivuga ko Nsengiyumva yafashwe mu gitondo cyo kuri uyu wa Gatatu tariki ya 04 Ugushyingo 2020, nyuma yo gutoroka kuwa 31 Ukwakira 2020 ubwo yari akimara gukora icyaha akekwaho.
Iki cyaha cyakorewe mu Karere ka Rutsiro, Umurenge wa Nyabirasi, Akagari ka Mubuga, Umudugudu wa Rwankuba.
https://umurengezi.com/rutsiro-arashakishwa-nyuma-yo-kwica-umugore-we-agahita-atoroka/
- Advertisement -
RIB irashimira abagize uruhare mu ifatwa rye bose, ukekwa akaba afungiwe kuri sitasiyo ya RIB ya Gihango mu Karere ka Rutsiro, mu gihe hagikorwa dosiye ngo ishyikirizwe Ubushinjacyaha.
Ingingo y’107 y’itegeko Nº68/2018 ryo ku wa 30/08/2018 riteganya ibyaha n’ibihano muri rusange iteganya ko umuntu wica undi abishaka, aba akoze icyaha. Iyo abihamijwe n’Urukiko, ahanishwa igihano cy’igifungo cya burundu.
