*Covid-19 imaze guhitana abantu ibihumbi 100
Ishami ry’Unuryango w’Abibumbye ryita ku Buzima (OMS/WHO) rirasaba ibihugu kwirinda gukuraho ingamba zo kwirinda ikwirakwira ry’icyorezo cya Coronavirus, ngo nyuma gishobora kugarukana ingufu.
COVID-19 ituruka kuri coronavirus imaze guhitana abantu 100,376, nk’uko BBC ibikesha imibare ya Johns Hopkins University.
Ubutaliyani nibwo bwapfushije abantu benshi, ndetse na Leta zunze Ubumwe za America na Espagne.
- Advertisement -
Umuyobozi wa OMS, Dr. Tedros Adhanom Ghebreyesus avuga ko ibihugu byakwitonda bikirinda gukuraho ingamba zirebana no kugabanya ikwirakwira rya kiriya cyorezo n’ubwo zaba zibangamiye ubukungu.
Avuga ko muri iki gihe hari ibihugu byatangiye kubona ko kiriya cyorezo kigenza amaguru make, bimwe bikaba byatangiye gutekereza koroshya ingamba zo kuguma mu ngo abantu bakaba basubira mu mirimo.
