Rayon Sports yamaze kwemeza ko yamaze gusinyisha rutahizamu ukomoka muri Mali, Moussa Camara wayihesheje igikombe cya shampiyona 2016-17.
Uyu rutahizamu wari umaze imyaka 5 atandukanye n’iyi kipe, mu ntangiriro z’iki cyumweru ni bwo byavuzwe ko Rayon Sports irimo gushaka uko yamugarura.
Umuvigizi wa Rayon Sports, Jean Paul Nkurunziza yemereye ISIMBI dukesha iyi nkuru ko uyu rutahizamu yamaze kuyisinyira amasezerano y’imyaka 2.
Ati “Ni byo yamaze kudusinyira, yagarutse muri Rayon Sports. Yasinye imyaka 2.”
- Advertisement -
Moussa Camara w’imyaak 28 akaba yakiniraga ikipe ya CS Hammam-Lif mu cyiciro cya 2 muri Tunisia.
Moussa Camara yakiniye Rayon Sports umwaka wa 2016-17, akaba ari na we waje gutsinda ibitego 2 byatumye iyi kipe yegukana igikombe cya shampiyona ya 2016-17, hari mu mukino w’ikirarane batsinzemo Mukura VS ibitego 2-1.
