Umugabo wo mu gihugu cya Kenya, afunzwe akekwaho kwaka ingurane, kugira ngo arekure umwana we yari yashimuse.
Iyi nkuru, yamenyekanye kuri uyu wa Gatandatu tariki ya 12 Ugushyingo 2022, ubwo umubyeyi w’uyu mwana yatangaga ikirego ku biro bya Polisi ya Nairobi, avuga ko umugabo we ari kumusaba ingurane ingana n’Amashiringi ya Kenya ibihumbi mirongo itanu (50,000Ksh), ngo atica umwana we yabyaranye n’undi mugabo.
Uyu mwana w’umuhungu ufite imyaka umunani (8) y’amavuko, yashimuswe ubwo ababyeyi be bashyamiranye, umugore agahunga agasiga umugabo n’umwana we bari kumwe mu rugo, nyuma akumva umugabo amusaba ingurane ngo atica umwana we.
Polisi ya Nairobi nayo, yemeje aya makuru y’itabwa muri yombwi ry’uyu mugabo.
- Advertisement -
Igira iti: “Nibyo, twafashe umugabo witwa Nemwel Ondari w’imyaka 32 y’amavuko, ukekwaho gushaka kwica umwana we akoresheje icyuma.”
Uyu Nemwel Ondari, ukekwaho gushaka kwica uyu mwana w’umuhungu, ni umugabo wa kabiri washakanye na nyina w’uyu mwana. Kuri ubu akaba acumbikiwe kuri Polisi ya Nairobi, Sitasiyo ya Embakasi mu gihe hagikorwa iperereza.
