Gasana Jérôme wigeze kuba Umuyobozi Mukuru w’Ikigo gishinzwe guteza imbere imyuga n’ubumenyi ngiro (WDA), yagizwe Umunyamabanga Nshingwabikorwa wa Mukura Victory Sports.
Mukura Victory Sports yagize Gasana Umunyamabanga Nshingwabikorwa wayo akaba asanzwe ari n’umukunzi wayo cyane, akazaba ashinzwe ibikorwa bya buri munsi by’iyi kipe y’Akarere ka Huye.
Gasana Jérôme yari asanzwe ari muri Komisiyo Nkemurampaka muri Mukura Victory Sports guhera mu mwaka ushize. Umubyeyi akaba yarakiniye iyi kipe yo mu karere ka Huye.
Mukura yinjiye mu makipe akora kinyamwuga kuko uretse Rayon Sports yashyizeho umwanya nk’uyu mu mwaka ushize, ubundi ntusanzweho mu makipe yo mu Rwanda akenshi agira abitwa aba ‘Team-Manager’.
- Advertisement -
Gasana Jérôme ategerejwe n’akazi kenshi nyuma yo kuba umuyozi w’iyi kipe, mu gihe mu minsi yashije abakinnyi ba Mukura basabaga ko ubuyozi bwafasha, icyo gihe bavugaga ko bamaze amezi atunu badahembwa.
Mukura VS, ikomeje ibiganiro n’abakinnyi batandukanye ngo ishake uburyo yakwiyubakira yitegura umwaka w’imikino wa 2020-2021, uzatangira muri Nzerei, nyuma y’uko abakinnyi benshi bayisohotsemo kubera ikibazo cy’amikoro.
