CG (Rtd) Emmanuel Gasana yatawe muri yombi n’Urwego rw’Igihugu rw’Ubugenzacyaha, nyuma y’uko ahagaritswe ku mirimo yo kuyobora Intara y’Uburasirazuba, ku gicamunsi cyo kuri uyu wa Gatatu tariki ya 25 Ukwakira 2023.
RIB ivuga ko hashize igihe akorwaho iperereza ku cyaha acyekwaho cyo gukoresha ububasha ahabwa n’itegeko nk’Umuyobozi w’Intara, mu nyungu ze bwite.
Umuvugizi w’uru rwego Dr Murangira B. Thierry avuga ko iperereza rikomeje, ko andi makuru azatangazwa bishingiye ku byo iperereza rizagenda rigaragaza.
CG (Rtd) Emmanuel Gasana yari amaze imyaka irenga ibiri mu Ntara y’Iburasirazuba, kuko yahawe izo nshingano mu mwaka wa 2021.
- Advertisement -
Ku wa 25 Gicurasi 2020, nabwo yari yahagaritswe ku mwanya wa Guverineri w’Intara y’Amajyepfo, umwanya yahawe yari asanzwe ari Umuyobozi Mukuru wa Polisi y’u Rwanda.
