APR FC yanze kurekura Kategaya Elie ngo asubire muri Mukura VS

Mu mikino yo kwishyura ya shampiyona ishize nibwo Kategaya wari umeze neza muri Mukura yerekeje muri APR FC. Icyakora uyu mukinnyi ntabwo yahiriwe mu Ikipe y’Ingabo kuko yabuze umwanya wo gukina.

Mu ntangiriro z’uyu mwaka, Mukura VS yasabye APR FC kuyisubiza uyu mukinnyi ariko Ubuyobozi bw’Ikipe y’Ingabo burabyanga buvuga ko ahubwo bubona akwiye guhanganira umwanya.

Kategaya ahanganiye umwanya na Lamine Bah, Richmond Lamptey na Niyibizi Ramadhan, ibimuha amahirwe make yo kuzabona iminota yo gukina.

Mu bihe bye muri Mukura VS, Kategaya yari yagaragaje ubuhanga burimo gutsinda ibitego ndetse no kurema uburyo bwinshi kuri bagenzi be.

Mukura VS yatangiye nabi Shampiyona y’uyu mwaka nyuma yo kubona inota rimwe muri atandatu yashobokaga. Ni mu gihe APR FC yo ifite ibirarane bibiri by’imikino itakinnye ubwo yari mu Mikino Nyafurika ya CAF Champions Leagueb yasezereyemo Azam FC mu ijonjora rya mbere.

Kategaya Elie afite akazi gakomeye ko guhanganira umwanya muri APR FC

Mukura yifuje gusubirana Kategaya wayigiriyemo ibihe byiza ariko APR FC yanga kumurekura