Umutoza wa Kiyovu Sports, Bipfubusa Joslin yavuze ko abanenga Sugira Ernest ko yabyibushye kunanuka ari ibintu byoroshye kuko na Neymar ari ko yari ameze kandi ubu ameze neza.
Sugira Ernest ni umwe mu bakinnyi bashya Kiyovu Sports yasinyishije mbere y’uko uyu mwaka w’imikino utangira.
Gusa ni umukinnyi wabyibushye ndetse wiyongereyeho ibiro biri hagati y’umunani ndetse n’icumi akaba asabwa kubigabanya.
Bipfubusa Joslin abajijwe niba azongera agakamura Sugira ibiro bikagabanuka agasubira nk’uko yari ameze, yavuze ko ari ibintu byoroshye cyane kuko na Neymar ari ko yari ameze.
- Advertisement -
Ati “kugusubiza icyo kibazo mwese muzi umukinnyi witwa Neymar, mwabonye uko yanganaga, yanganaga na Sugira ariko ubu ibiro byavuyeho rero na Sugira na we bizavaho.”
Uyu mutoza afite icyizere ko mu byumweru bibiri shampiyona igiye kumara idakinwa kubera akaruhuko k’ikipe y’igihugu, Sugira azagaruka ameze neza cyane.
