Tubifurije gukomeza kugubwa neza aho muri hose mwe mukomeje gukurikirana inkuru ndende yiswe “Uburibwe bw’urukundo.”
Turacyari mu gihirahiro cy’ibibazo twasoje twibaza muri episode ya 07, kandi koko byari ngombwa ko tubyibaza, kuko byari biteye amatsiko, gusa ayo matsiko yose arashirira muri iyi Episode ya 08 ndetse n’izindi zizakurikira.
Muri Episode iheruka, twasize Allan amaze kunywa uburozi bwari bwateguriwe Noella, bwagombaga gutuma azakanguka yaribagiwe buri kimwe!
Twibazaga uko bizagenda Allan amenye ko ari uburozi yanyoye, kandi bwateguwe n’uwo yita umukunzi we.
- Advertisement -
Twasize kandi Ange bimucanze agiye gushaka umuti byihuse, ngo awuzanire Allan ataribagirwa buri kimwe, kuko byari bumubane ikibazo gikomeye cyane.
Reka dutangire……
Ubwo kwa muganga niko Paul acyicaye impande ya Noella, aho yari arwariye akimurwaje kugeza igihe azakangukira, cyane ko Famille ya Noella yari itaramenya amakuru, bitewe n’uko Noella yakundaga kumara igihe kinini atari mu rugo.
Ange yakomeje gushaka umuti yihuse cyane, kugira ngo adahomba imitungo yishakiraga.
Kwa muganga, Allan aho yari arwariye yatangiye kumva hari ikiri guhinduka mu mubiri we, niko kwiyumvisha ko ari ibisanzwe, ariko akumva afite ikibazo gitandukanye cyane n’uko yiyumvaga mbere, atangira gutabaza, kuko nta wundi muntu wari umuri iruhande.
Muganga yaje yihuta nk’uje gutanga ubufasha bwibanze, byihuse bahita babanza gusuzuma Allan ngo barebe ko nta kindi kibazo afite.
Bamubwiye ko ashobora kuba yanyweye ibintu birimo uburozi kandi bikaba byamuviramo kwibagirwa buri kimwe.
Allan yasabye muganga gukora ibishoboka, ariko ntatume yibagirwa, gusa ntiyari yakabonye ko icyumba begeranye ari ho Noella arwariye, arwajwe na Paul wamugonze.
Bidatinze Ange yabonye umuti, ikibazo gisigara ari ugushaka ukuntu araza kuwugeza kuri Allan akawumuha.
Ntagutinda, yahise asubira kwa muganga ajyanye umuti, akigerayo asanga Allan byakaze, gusa abaganga barimo bamwitaho.
Allan n’ubwo byari byamukomeranye, yari akanuye ntabwo yari asinziriye. Yeguye umutwe abona Ange mu muryango afite anvelope mu ntoki, n’ubwoba bwinshi.
Allan yarabibonye yibuka ko na juice yanyoye yayikuye mu gikapu cya Ange, kandi akaba yari yanamubonye asohoka kwa muganga yiruka cyane n’ubwoba bwinshi.
Yahise atekereza ko Ange yari yagambiriye kumuroga, umujinya uramwica isura irahinduka, maze bimufatanya nuko yari amerewe arongera arasinzira.
Ange abibonye, ashaka uburyo abaganga bitaga kuri Allan basohoka mu cyumba kugira ngo avange umuti azanye mu miti ya Allan, biza no kumukundira arabikora.
Ese bizagenda gute Allan nakanguka ko yamenye ko Ange ariwe wari wazanye uburozi yanyoye?
Ese Ange azisobanura ate igihe Allan azaba akangutse?
Noella na Paul bo bimeze gute?
Ntuzacikwe na Episode ya 09, kuko izaba irimo byinshi.
Wumva izaba imeze ite? Dusangize igitekerezo binyuze muri “Comment!”
