Ikipe y’Akarere ka Gisagara ya Sitting Volleyball ikomeje kwitwara neza imbere y’amakipe y’Abarabu mu irushanwa yatumiwemo rya ’Afro-Arab Club Para Volleyball Championship’ aho igeze muri ¼.
Ni mu mikino uhuza amakipe y’Abarabu yitwaye neza muri Sitting Volleyball ariko Gisagara Volleyball Club ikaba yararitumiwemo, riri kuba kuva tariki ya 28 Gashyantare kugeza 3 Werurwe 2024.
Gisagara iri mu itsinda rya Kane rya Afro-Arab Club Para Volleyball Championship, yakinnye imikino yayo ku wa Kane, harimo uwa Ain Malan yo muri Algeria iwegukana ku maseti 3-0.
- Advertisement -
Uwa kabiri yahuye na Eastern Company yo mu Misiri yakiniraga imbere y’abakunzi bayo, ibasha kwitwara neza iwusoze ibonye itike yo gukina ¼ ku maseti 3-2.
Nyuma yo kuba iya kabiri muri iri tsinda, igomba guhura na Al-Mustaqbal Bani Ghazi yo muri Libya yakomeje iyoboye itsinda rya Kabiri mu gushaka itike ya ½.
Gisagara Sitting Volleyball Club irimo kwitwara neza mu gihe irimo gufashwa n’Umutoza w’Ikipe y’Igihugu y’u Rwanda, Dr. Mossad Rashad, wanagize uruhare runini mu gutumirwa kwayo.
