Ingabo z’Urwanda zibarizwa muri Ingeneering Brigade, zimaze gutegura ibisasu bibiri byo mu bwoko bwa Grenade.
Mu masaha y’igitondo, nibwo abasirikare bo muri Ingeneering Brigade bateguye banaturitsa ibisasu bibiri byari hafi y’urugo rw’Umubyeyi witwa Mukarwego Suzane.
Ni ibisasu byabonetse mu mudugudu wa Kabiha, akagari ka Mutara, mu murenge wa Mwendo, mu karere ka Ruhango.
Abahatuye bavuga ko ibi bisasu byo mu bwoko bwa Grenade byari bibateye impungenge.
- Advertisement -
Umukuru w’Umudugudu wa Kabiha, Habumugisha Sylvain, avuga ko ingabo zateguye ibyo bisasu mu mutuzo, kuko zabanje kubitegura zibijyana mu kabande hatari abaturage.
Ati: “Nta muturage wigeze wumva igihe ibyo bisasu byaturikiye, ubwoba abaturage bari bafite burashize turashimira Ingabo z’Igihugu.”
Kugeza ubu, ntacyo Ingabo z’Urwanda zari zatangaza kuri ibi bisasu, tukaba turaza kubibagezaho mu makuru yacu ataha, mu gihe haba hagize igitangazwa.
