Ikipe ya Nottingham Forest nayo yahawe igihano cyo gukurwaho amanota ane nyuma yo kutubahiriza amategeko ya Premier League agenga imari yitwa profitability and sustainability rules (PSR).
Igihano Forest yahawe cyatumye ijya mu makipe amanuka kuko ubu yicaye ku mwanya wa 18 ku rutonde rwa Premier League n’amanota 21,irushwa amanota abiri na Luton iri ku mwanya wa 17. Ubujurire bushobora gukurikiraho.
- Advertisement -
Nubwo Everton yakuweho amanota 10,yaje kujurira aba 6 mu gihe iyi Forest yo yakaswe 4 gusa.
Forest mbere y’aho,yarushaga amanota 3 ikipe ya Luton yari ku mwanya wa 18.Bombi baheruka kunganya igitego 1-1.
Forest yakoresheje amafaranga menshi ku isoko kuva yagaruka mu cyiciro cya mbere mu Bwongereza mu mwaka w’imikino 2022-23.
Kuva muri iyo mpeshyi, abakinnyi bagera kuri 43 baje kuri City Ground baguzwe miliyoni zirenga 250 z’amapawundi.
