Ikipe ya Rayon Sports yemeje ko yamaze gutandukana na myugariro Rwatubyaye Abdul wamaze gusubira muri FK Shkupi yo muri Macedonia ya Ruguru.
Iyi kipe ibinyujije ku rubuga rwayo rwa X yatangaje ko “Abdul Rwatubyaye yerekeje byemewe n’amategeko mu kipe ya FK Shkupi yo muri Macedoia”.
Rwatubyaye wagiye aguzwe, akaba yasinye amasezerano y’imyaka ibiri yo gukinira iriya kipe yahozemo.
- Advertisement -
Ku wa Gatandatu w’icyumweru gishize ni bwo Rwatubyaye Abdul yashyize hanze amafoto ari mu myitozo ya FC Shkupi bari baratandukanye muri Kanama 2022 ari bwo yasinyiraga Rayon Sports amasezerano y’imyaka 2 , Amakuru avuga ko Rayon Sports yahawe $30,000 kuri uyu wari Kapiteni wayo wari ukiyifitiye amasezerano y’amezi atandatu.
