Ishyirahamwe rya Volleyball mu Rwanda (FRVB) ryemeje ko mu mwaka utaha w’imikino rizatangira gukoresha uburyo bw’amashusho afasha abasifuzi gufata ibyemezo bitandukanye.
Ibi ni umwe mu myanzuro yafatiwe mu nteko rusange isanzwe y’iri shyirahamwe yateranye ku wa Gatandatu, tariki 10 Kanama 2024.
İyi nama yemeje ko Shampiyona ya 2024/2025 izatangira tariki 18 Ukwakira 2024 mu bagabo n’abagore.
- Advertisement -
Mu bagore, hiyongereyemo ikipe ya Kepler WVC yitezweho kuzatanga akazi gakomeye nk’uko iy’abagabo yabigaragaje mu mwaka umwe imaze ishinzwe.
Muri iyi Shampiyona kandi mu rwego rwo kwimakaza ikoranabuhanga ndetse no kugendana n’igihe, hazatangira gukoreshwa uburyo bw’amashusho abafasha abasifuzi gufata ibyemezo bitandukanye ibyo twagereranya na Video Assistant Referee (VAR) mu mupira w’amaguru.
Shampiyona iheruka yegukanywe na APR mu bagabo n’abagore.
