Rutahizamu Bizimana Yannick wari umaze imyaka ine muri APR FC yasinye amasezerano y’umwaka umwe muri Bugesera FC.
Ibinyujije ku mbuga nkoranyambaga, Ikipe ya Bugesera FC yatangaje ko yasinyishije amasezerano y’umwaka Bizimana Yannick.
Uyu mukinnyi wamenyekaniye muri AS Muhanga, yerekeje muri iyi kipe nyuma yo gutandukana na APR FC yari asojemo amasezerano.
- Advertisement -
Bugesera FC yari imaze iminsi icecetse yatangiye kwiyubaka cyane ko yanatakaje abakinnyi barimo rutahizamu Ani Elijah wayitsindiye ibitego 15 muri Shampiyona ishize.
Bizimana yamenyekaniye muri AS Muhanga yavuyemo ajya muri Rayon Sports mbere yo kwerekeza muri APR FC.
Muhozi Fred yerekeje muri Police FC
Rutahizamu usatira aca ku mpande Muhozi Fred yasinye amasezerano y’imyaka ibiri muri Police FC avuye muri Kiyovu Sports yari amazemo indi ibiri.
Muhozi yari umwe mu bakinnyi ngenderwao mu Urucaca mu myaka ibiri ishize ndetse yayifashije guhatanira igikombe mu myaka yatambutse.
Uyu mukinnyi yabaye uwa kabiri werekeje mu Ikipe ya Polisi y’Igihugu avuye muri Kiyovu nyuma ya Kirongozi Richard.
Police FC ikomeje kwiyubaka cyane kugira ngo izitware neza mu Mikino Nyafurika ya CAF Confederation Cup, aho mu ijonjora ry’ibanze izahura na CS Constantine yo muri Algerie mu mikino uteganyijwe hagati ya tariki 16 na 18 Kanama 2024 n’uwo kwishyura uri hagati ya 22-25 Kanama 2024.
