Rayon Sports y’Abagore irakoza imitwe y’intoki ku Gikombe cya Shampiyona, aho niramuka itsinze umukino ifitanye na Muhazi United izahita icyegukana ku nshuro ya mbere mu mateka.
Uyu mukino uteganyijwe ku wa Gatandatu, tariki 23 Werurwe 2024 mu Karere ka Rwamagana, aho Gikundiro izasura Muhazi United WFC.
Ni umukino utoroshye kuko iyi kipe ikunze kwihagararaho mu rugo, gusa Rayon Sports irahabwa amahirwe yo kwitwara neza kuko n’ubanza yawutsinze ku bitego 4-0.
- Advertisement -
Mu gihe Gikundiro yatsinda uyu mukino yahita igira amanota 58 ikegukana Igikombe cya Shampiyona ku nshuro ya mbere ndetse mu mwaka wa mbere iri gukina Icyiciro cya Mbere.
Umukino wa nyuma Gikundiro izakira Fatima WFC y’i Musanze, mu mukino uzabera mu Nzove ari nabwo biteganyijwe ko izashyikirizwa igikombe cyayo.
Muri rusange, kugeza ku munsi wa 20 wa shampiyona, Rayon Sports iri ku mwanya wa mbere n’amanota 55, ikurikiwe na AS Kigali WFC ifite 48, Inyemera ku wa gatatu n’amanota 34, mu gihe APAER WFC ikurikiraho n’amanota 32.
Uko imikino iteganyijwe mu mpera z’icyumweru:
Ku wa Gatandatu, tariki 23 Werurwe 2024
Inyemera WFC vs Bugesera WFC [12:00]
ES Mutunda vs AS Kigali WFC [14:00]
Fatima WFC vs Rambura [14:00]
Muhazi United vs Rayon Sports [14:00]
Indahangarwa WFC vs Freedom WFC [14:00]
Ku Cyumweru, tariki 24 Werurwe 2024
APAER WFC vs Kamonyi WFC [14:00]
