Uyu musifuzi mpuzamahanga w’umunyarwanda ,Uwikunda Samuel yahawe kuzasifura umukino wa Champions League wa Pyramids FC na Nouadhibou FC.
Ni umukino wo mu itsinda A rya CAF Champions League uzahuza Pyramids FC na Nouadhibou FC yo muri Mauritania ku wa Gatandatu tariki ya 2 Werurwe 2024.
Uyu mukino ukaba uzabera mu Misiri ku kibuga cya ’30 June Stadium’ cyubatse mu Mujyi wa Cairo, yubakwa n’igisirikare cya Misiri ishami rirwanira mu kirere, ifite ubushobozi bwo kwakira ibihumbi 30.
- Advertisement -
Uyu mukino rero ukaba uzasifurwa n’umusifuzi mpuzamahanga w’umunyarwanda, Uwikunda Samuel waherukaga gusifura umukino w’itsinda D rya CAF Champions League wo Belouizidad na Al Ahly banganyije 0-0 tariki ya 16 Gashyantare 2024.
Pyramids FC ubu iri ku mwanya wa nyuma wa 4 n’amanota 4 inganya na Nouadhibou FC ya 3, Mamelodi Sundowns ni yo ya mbere n’amanota 10 inganya na TP Mazembe ya kabiri.
