Inzara iranuma mu ikipe ya Kiyovu Sports, ni nyuma y’uko abakinnyi bamaze amezi ane badahembwa.
Nubwo ikipe irimo itsinda muri iyi minsi ariko ntabwo ibintu byifashe neza mu ikipe yambara ibara ry’Icyatsi n’umweru kuko ubukene buyigeze habi.
Amakuru ikinyamakuru UMURENGEZI.COM cyamenye ni uko ubu ikipe ya Kiyovu Sports yinjiye mu kwezi kwa Kane itarahembwa umushahara wa bo.
- Advertisement -
Aba bakinnyi bakaba baheruka umushahara w’ukwezi k’Ukwakira 2023, bivuze ko binjye mu kwezi kwa kane, ubu abakinnyi b’iyi kipe bakaba bataka ubukene bukomeye.
Mu mpera za Mutarama 2024 ni bwo uwari perezida wa Kiyovu Sports, Ndorimana Jean Francois Regis yeguye ahanini bitewe n’ubukene buvugwa muri iyi kipe aho yavuze ko abakunzi b’iyi kipe ntacyo bafasha ubuyobozi.
Nyuma y’umunsi wa 20, ubu Kiyovu Sports iri ku mwanya wa 6 n’amanota 27 ni mu gihe APR FC ya mbere ifite 45.
