Ikipe ya REG BBC irimo kwitegura umwaka mushya wa shampiyona yongeye kugura Umunyamerika, Thomas Cleveland Jr wari wayivuyemo mu mwaka ushize w’imikino.
Muri Kanama 2023 nibwo uyu mukinnyi mwiza wa shampiyona ya 2022 yerekeje muri Club Dorados de Chihuahua yo mu Cyiciro cya Mbere muri Mexique.
Ibi byakoze cyane kuri iyi kipe ya Sosiyete y’Igihugu Ishinzwe Ingufu, kuko yatsindiwe ku mukino wa nyuma na APR BBC imikino (4-0) iyitwara Igikombe cya Shampiyona.
Mu myaka ibiri, Thomas yamaze muri REG BBC yayifashije kwegukana ibikombe bibiri bya shampiyona ndetse no gukina imikino ya nyuma ya Basketball Africa League (BAL).
- Advertisement -
Amakuru avuga ko uyu mukinnyi azajya akina imikino ikomeye ndetse n’iya kamarampaka, mu rwego rwo kongera gufasha iyi kipe kwegukana Igikombe cya Shampiyona ndetse no kwitabira BAL.
Thomas yiyongereye ku bandi nka Pitchou Manga, Kendall Gray iyi kipe yaguze muri Patriots BBC ndetse n’abanyarwanda beza nka Niyonkuru Pascal ’Kaceka’, Muhizi Prince n’abandi.
REG BBC ikomeje kwitegura shampiyona iteganyijwe gutangira ku wa 9 Gashyantare 2024.
![](http://umurengezi.com/wp-content/uploads/2024/01/thomas_cleveland_jr_yasubiye_muri_reg_bbc-657f0.jpg)